[我覺得呢篇都寫得幾好，歡迎大家碌落去payme 打賞我 lol]
咁橋碌碌下threads 睇到Alex Hormozi 嘅片，入面佢quote 左蒙格嘅一番說話，我覺得好適合用黎切入《牛來》爆紅呢件事。
正所謂市場唔會錯，錯嘅係你唔明。
有啲人習慣乜都先諗負面，見到一件事情爆紅，第一反應唔係問「點解會咁」，而係急住證明「啲人點解咁蠢」。千祈唔好向呢種思考方式學習，因為佢對理解世界同個人成長都冇乜幫助。
有班人一見《牛來》爆紅，條件反射咁話啲觀眾以醜為美、冇審美觀、入場食屎。其實你可以唔鍾意套戲，甚至覺得佢醜到離晒譜，但如果一件你認為「咁差」嘅作品突然爆紅，真正值得問嘅應該係：「點解會有咁多人對佢有反應？」呢個問題比「啲觀眾冇審美觀」有意思得多。
因為當你只係急住批評其他人嘅品味，你其實乜都冇了解。任何話題去到呢種思維方式手上，都好容易變成攻擊其他人品味、身份、地位嘅工具；但對事情本身點解會發生，反而冇乜興趣。
同樣，有人就會走去陰謀論嗰邊，追問點解《牛來》可以有排片、點解攞到龍標，當正有人喺背後計算好咁。
但問題係，當一件作品去到今日呢種爆紅程度，任何事先設計好嘅力量，都好難解釋到呢個結果。
所以，與其問「邊個安排佢爆紅」，不如問一個更加有趣嘅問題：
究竟《牛來》做啱咗啲乜，先可以令咁多人同佢產生共鳴？
返到去蒙格嘅說話，《牛來》母子一定係做啱左某啲野，佢地先會收獲名利，咁爆紅嘅原因係咩呢？簡單講就係迷因meme。有人話係拒絕AI，毫願睇human slop（人造垃圾）都唔睇AI slop，呢個係原因之一，但唔係原因嘅全部。君不見《Super Girl》夠唔係AI製作，而且都係爛，但係好唔收得，點解唔睇呢啲human slop？由此可見，拒絕AI 最多係原因一部份。
咁如果話成個大原因係《牛來》已經變成一個迷因，咁迷因又點黎？我相信迷因並無公式，但係有一個規律，就係「共鳴因素越多越成功」。共鳴點兩個比一個出色，三個又比兩個好。呢個世界有啲事物係less is more 越簡越好，但係迷因嘅共鳴點就係越多越好，成件事就如同一班人過橋嘅時候踩斷條橋一樣，越多人行就共振越大，可以話係頻率問題。如果《牛來》淨係得「製作差」呢一點，你可以觸發嘅共鳴點只係獵奇，咁成件事就好快會完。但係《牛來》嘅共鳴點排山倒海，形成嘅震動就好大。
除左「製作差」，慢慢觀眾發覺個「製作有心思」、「低成本手搓（反AI）」、「戲裡戲外充滿母愛」、「對白偶爾帶有哲學味道同詩意」等，套戲原來唔止一個共鳴點，咁個震動就又持久又大。最後到套戲自身就成為一個共鳴點，咁佢就正式成為一個迷因。所以呢個就解釋到，一年到晚咁多製作得唔好嘅電影，點解得佢跑出？因為無佢製作得咁核突？如果認為呢個係答案，咁係咪之後再製作啲核突野出黎就會好賣？可以想像得到，之後會有人開始抄，然後發覺抄左都係失敗。
事實上，成件事就係頻率共振，要震動夠大，共鳴點就要足夠多，多到件事本身成為迷因。想抄，但係妄想用一個半個因素就可以抄襲成功，結果失敗已經寫在眼前。《牛來》除左回應獵奇需求，亦都回應左好多唔同嘅需求，譬如雖然唔完美，但係佢踏出左追求夢想嘅步伐，回應左追夢嘅需求；個仔有夢想去追，居然有個百分百支持嘅阿媽陪佢做製作，又有個做發行嘅老友支持自己發夢，回應左東亞人發夢都唔敢諗嘅母子關係同朋友關係。而戲內就如上所述，有啲好有味道嘅對白，例如：
[一按即 PayMe！https://payme.hsbc/fatgorgor]
媽媽：跳過來，勇敢點！
牛來：別急，我還是長大一點再跳吧。
媽媽：長大是將來的事。
牛來：將來有多遠？
媽媽：今天就是昨天的將來。
你笑套戲醜樣嘅時候，部份對白又回應到傳統戲迷對電影深度嘅追求。
所以個規律係：
一個爆紅現象 = 多個不同需求的交集。
共鳴點越多 → 參與嘅人越多 → 傳播越容易 → 最終由產品變成迷因。
就係咁，佢未必一次過回應晒所有人，但係佢各方面都回應到啲野，呢個就好適合迷因化。當佢變左迷因，就會好似stinky dance、67咁，又或者舊啲嘅例子黑人抬棺、hide the pain Harold諸如此類，參與呢件事本身就係一種意義，而無需再探討其他意義。呢個亦都係後期眾人跟風嘅階段，同回應心理需求關係不大，同審唔審美就更加風馬牛不相及。
如果你睇到呢度，你應該會感受到我Henry Chan 睇事物嘅深度，感受到文章嘅價值，因為個原理夠晒universal，你將上面《牛來》換做任何一個爆紅嘅產物或者泡沫都係講得通。例如係NFT，一開始呢個技術係咪有好多實則嘅內涵，呼應到好多需求？去到後期件事係咪變左意義本身，即係一個泡沫？所以啲人講到《牛來》爆紅會如何如何傷害電影業，用返人類有史以來所有迷因或者泡沫去睇，會造成傷害嗎？
NFT泡沫爆破唔會傷害投資市場，《牛來》亦都唔會破壞電影審美，睇嘅人都知佢唔係賣「美」，賣嘅係呼應唔同人唔同嘅需求，賣嘅係人類間歇性嘅集體瘋狂，通過迷因要將日常壓力釋放。迷因唔係破壞原有市場，而係暫時創造另一個市場，而呢個市場根本無用到「審美」作為消費標準。所以大妨簡單啲，一邊睇戲，一邊大嗌：
媽媽！！！！！！
牛來。
除左牛來，希望錢都來，歡迎payme！
一按即 PayMe！
https://payme.hsbc/fatgorgor
Hengor's BLOG 