既然小弟會不定期喺策略王電視做《午市有戲派》，咁回顧下2024 睇過乜都好正常！
下面個表會包含左4K修復版，或者加長版，所以唔需要奇怪點解有啲舊戲喺度；而單純重映就唔計算嘞（所以我入戲院嘅次數會多過個表嘅電影數lol）
解個靚釋先。呢個表太難排，基本上最憎嘅戲同最喜歡嘅戲會排得比較準，中間嘅戲有時可能隨住心情唔同，隨時會變排位lol。最尾9 套同埋最頭15 套地位都相當穩陣，應該唔會點變（當然，過幾年又可能會變架喇）。
基本上因為朴贊郁同今敏係神，所以佢地嘅作品（4K修復版或者加長版）雖然舊啲，但係輕鬆排得高（朴贊郁：《JSA安全地帶》、《下女誘罪》；今敏：《藍色恐懼》、《盜夢偵探》）。如果唔計呢啲舊片，咁今年最鍾意嘅會係D導嘅《Dune 2》，我幾鍾意呢啲EPIC野。當然，溫暖人心嘅《The Holdovers 滯留生》同《Robot Dreams》亦係我喜歡嘅類別。
如果淨係揀港產新片（篩走埋王家衛《重慶森林》）出黎，個表會係咁：
有啲朋友會問我上飛機流流長，有咩戲好睇，咁我諗呢個post 就好啱用嘞。未必完全係大家口味，始終睇戲就好個人，但係跟住呢個排位去揀戲黎串流睇或者上機睇，相信都無乜伏。
我就鍾意咁排，大家不妨又講下你嘅排位。
Hengor's BLOG 