今年除左本業之外，我打算都開發下玄學嘅副業，反正久唔久就有朋友私下問我問題，最近甚至有人搵我批命添。下面我就標一下價目啦。
臨近歲晚，係時候準備一下明年，最近亦都有人問我批唔批流年。
批流年運程 $398
3屬木，9屬火，8屬土，39木火通明，然後火再生土，係大吉數。
我主要會同你用易經牌去睇流年，順序講2025乙巳年命宮、父母、福德、田宅、官祿、僕役、遷移、疾厄、財帛、子女、夫妻、兄弟，同埋配合埋奇門遁甲同少少八字。參考上篇文，睇睇我係點批流年運程。
如果需要擺陣法去解決問題，就再加$168。
1屬水，6屬金，8屬土，土生金生水，又係大吉數；啲收費我都盡量用大吉數，淨係畀錢嗰下都夠吉利丫嘛。
第二個陣法打後$68一個。（土生金）
最近有個觀眾搵我唔止睇流年，想我幫佢批命添；咁批命我就收佢$628。
6屬金，28屬土，土生金，都係大吉數。
我都主要係用奇門遁甲加少少八字去睇大致命運係點，講返佢偏財受傷要點補救。
另外都包埋個易經牌流年，因為想批命其實都唔係想知晒成世，最主要係想知近嘅野啫；同埋亦都包晒陣法。
最後，唔係流年唔係批命，純粹想問問題，好似之前幫個觀眾朋友擺陣賣樓嗰種，咁又另外價錢。
第一個問題$200，跟住$100一個（兩個星期後reset；唔係話你今日問完我一個問題，3年後keep 住問又收你$100）
問完問題，如果要擺陣法，第一個陣法$200，跟住$100一個陣。
好，下面列個表整理下：
我師傅話，冬至之後，即係依家，去睇流年就最準架喇，如果大家本身都想封利是畀我，可以順便睇埋個流年😂
btw 最近搵過我而又覺得我準嘅，歡迎留言講兩句😂
Hengor's BLOG 