純粹見喺連登re 左咁長，唔好嘥，貼埋出黎
___________________________
我覺得未必係講蘇昇華以前有幾風光
印象中好似無乜講佢點解要作曲？
好似係要人估/推敲？
我覺得佢呢種感覺都有顏色嘅人，對音樂、藝術一定有個執著
let’s say佢可能係內心世界好澎湃，好似充滿左熾熱嘅熔岩咁，佢要用音樂去表達
佢講唔到出口，好似Scatman John 係漏口嘅，但係佢可以rap 出黎，或者好流利嘅gibberish
我唔係話蘇昇華個設定要係漏口，例如佢破碎家庭可能令佢唔識用口去表達愛、感受，所以要用歌曲
所以我期望個瓶頸係黎自於呢方面嘅變化
初出道可能有野想表達，作啲曲出黎，受歡迎，佢開心，覺得其他人可以通過歌曲明白自己
但後來唔知發生咩事，對生命無左感受，無乜想表達嘅野，但係合約未完，租又要交、要生活
開始接埋啲job 係佢覺得無靈魂
例如作完啲旋律，經理人叫佢改低音啲，就返個歌手，佢當住人面屌佢：俾呢啲人唱，佢唱唔到都係autotune 架啦！#:D#dragonxm
跟住後尾夏文萱帶佢搵返對生命嘅感動
咁成件事就好偉大
一個久別重逢嘅初戀救贖左少年嘅自己之餘，亦都救左自己嘅一生
同時呢個少女亦都拯救左成年嘅自己
成年嘅自己感嘆命運不公，怨自己咁年輕就重疾；但少女嘅自己同成年嘅自己久別重逢，開導返自己，令自己對生命由消極變返積極
我覺得喺愛情入面，其中一樣重要嘅野係約定
如果有一個穿越時空嘅約定，通過夏文萱去提醒返每一個人
咁就可以將頸鍊理解為「約定」嘅實體化
喺真實世界係一個約定、一句說話；喺電影世界就顯現成一條頸鍊
兩個人之間嘅約定、盟誓係不分時空，本身就係永恆
依家各方面都好，我尤其喜歡選角同畫面構圖
但劇情略嫌有啲薄弱
主要唔係太睇到佢地嘅愛情有咩咁值得歌頌
（用左成套戲去講，仲唔係歌頌緊？）
又唔係好睇到蘇昇華究竟有幾愛音樂
咁對於佢便秘作唔到曲，就唔會覺得撕心裂肺
依家單純覺得係中年危機啫，九成人都會架啦#wail_r#pigxm
Hengor's BLOG 