早排有讀者send email 黎問幾時會有蛇年嘅奇門遁甲分析。老實講就無咁快，大概農曆新年前啦。不過既然咁支持，就講多少少怪力亂神嘅野啦；反正咁啱都同一位觀眾朋友講起。
下面copy and paste 同嗰位朋友嘅whatsapp msg 先
「講到每年嘅怪力亂神，咁就唔可以唔睇邵雍《皇極經世書》值年卦
今年雷火豐
理論上解開心嘅
整體（環球）其實都算，股市有得升
但出年2025 係澤火革
你睇返值年卦係幾準
2020 地火明夷
2021 山火賁
2022 水火既濟
2023 風火家人
20 covid， 火係文明，藏喺地下
呢個火又解太陽，太陽喺地底
covid 就係咁上下，成個人類文明收左皮咁
21年繼續隔離
山火賁就係一個人自己化妝扮靚
化完都無人睇到，因為隔離緊
22 就既濟，意思係completion
對世上大部分地方黎通就解封
得某啲地方omicron 都要迫人針啫
23 風火家人，又真係咁，大家開始有返交流，真係中晒家人呢個意思
24 雷火豐
又真係周圍股市都豐收
even 其實港股到今日都仲係升緊二千幾點
前面都咁中，咁2025 澤火革中唔中呢？
上卦係對方，或者係件事，下卦係自己
上卦澤，係沼澤，亦代表係金
下卦就火，加埋就係火煉金
咁係邊個去煉？前面話下卦係自己，即係自己去煉金
煉金你覺得輕鬆定困難？
仲有，卦名叫澤火革，話明革，就有革命、革新嘅意思
向好嗰邊諗，可能代表有革命性新發明，係咪AI 再行多步？TSLA 啲機械人提早量產？
定還是唔係革新，而係革命？
anyway 總之係火煉金之象，一定唔係輕鬆嘅事情
所以出年比今年大鑊嘅機會相當大，就住怪力亂神呢個方向講」
再補充多少少，大家都聽到侵總統警告「金」磚國家唔好去美元化，否則要加100%關稅，咁係咪算火煉金呢？
（咁啱阿侵八字火勁旺）
另外，講到關稅，大家可以估下中國呢邊嘅反擊係乜，又或者睇下我估得合唔合理。大家都話美國國力來源之一係高科技，咁高科技需要乜？除非強大嘅「金」融力量，當然仲有係稀有金屬啦～
即係咁講，用稀土黎打貿易戰嘅新聞起碼都停左5年無講，我諗出年又會出現返呢啲新聞。稀土入面嗰啲都係稀有金屬黎家嘛，仲唔係火煉金？
當然，除左稀土金屬，咁即係有個「金」字都同澤火革可能有關架喇喎，黃金、金融系統、貴金屬，甚至姓金嘅國家？
而除左火煉金，澤火革個「革」字都要留意，好似上面開閂引號嗰段msg咁講。
————————————-
前面話齋，2025 年分分鐘比2024年更加紛亂，可能隨時都有啲意外事件發生。
唔知大家有無試過，啲大事件發生嘅時候，可能會有一間半間證券行落唔到盤，撞唔正自己嗰間都無乜野，萬一就係自己嗰間就麻煩喇。login 唔到本身間行，止唔到蝕都好，但如果喺其他行有個後備戶口，都隨時可以login 黎做啲操作，即刻對沖風險丫嘛。
所以如果你仲未喺usmart 開證券戶口，不如即刻撳我條link開戶口
著數未必係好多，但係都擺兩萬蚊入黎拎晒佢；最緊要係好似前面咁講，開多一個戶口當保險，呢個保障唔單止唔使錢，仲有著數，真係值得做，應該做，立即做😉
Hengor's BLOG 