Update返Risk on/off 指標，繼續幅度細，唔呈現趨勢，維持灰色。個市亦都可能係橫向震盪下，就好似圖表咁，尋日波幅都未走出上星期五嘅高低位。呢個現象好正路，尋日都話齋，今日大家會關心總統大選辯論，如果賀錦麗佔優嘅，啲經濟政策對企業不利；相反阿侵就會減企業稅。
講到辯論，剛才香港時間朝早9點就開始左。我無全程睇直播，因為預左無乜內容，辯論呢啲野都係俾美國人睇下個勢邊個勁啲，反正政策取態一早知道，你有明顯政治立場嘅唔會因為辯論而改變，係睇場辯論會唔會刺激啲隱藏fans出黎投票，所以睇個勢重要過內容好多好多。咁計的話，聽講阿侵有啲不利，因為唔止要同賀錦麗辯論，直頭要同埋主持人辯論。面對偏頗嘅主持，今次有啲不利，唔怪得美股三大股指期貨都跌緊超過0.3%（截至朝早10:30）。
Share埋Dr. Leung（本土經濟學者；好似同你地中意嘅KC博士唔啱牙的haha）個post，賀錦麗喺辯論真係勝一籌。大家明白呢個世界係點運作未？
Anyway，過完辯論，今晚都仲有CPI，不過我估影響無咁大了，之後都係睇就業數據多啲。另外對市場比較重要嘅應該就係聯儲局計劃收緊銀行準備金。聯儲局應該唔想減息之後通脹捲土重來，今次減息亦最重要係防止經濟衰退，唔想啲公司企業玩完，借到周身債嘅還息可以還得舒服啲咁解。所以減息之餘，無話要停止縮表，然後再加埋呢個做法，令銀行借錢出街嘅成本上升，從而減息得黎控制通制。做到嘅話，又可以減息防止衰退，通脹又唔重臨，咁呢屆聯儲局可能記入史冊架喇。但係銀行股呢？息差又窄左，生意又難做左，咁就唔好掂喇。
再返到港股，17472同17250係咪有趣呢？望上圖都見，17472就喺兩日開市位附近，17250就喺星期一開市位附近同埋尋日收市位附近。最緊要係，連續兩日都企唔到17250，結果今日都係要跌。不過追跌有危險，始終RSI偏低，隨時技術性反彈。但反彈唔值博，要注意；彈返啲再沽就可以，例如近17250。
尋日同小珍做信報都有講9988，所以提埋。尋日話齋港股通呢家野，好消息黎，但好多時好消息出貨，所以我都係望住通道頂，約85-86。但係依家去到通道中間都好似麻麻地有力，多貨嘅可能要食一半先，港股呢家野同賭錢無乜分別！
Hengor's BLOG 