先貼N記，原來司法部反壟斷單野係流料？N記澄清無收過傳票喎，彭博想點呀？Anyway，8月5號升上黎嘅浪，大成交位大約105.15左右，目前似乎守得住。睇下去到非農之後守唔守，守就好好多。但要留意，N記澄清完都唔暴升，一係真係有人做佢世界，一係個市弱想回，乜野理由都回左先算，咁就未必守到。
再Update返Risk on/off，稍稍好轉，但未轉返綠燈。正常，大家都等非農，今晚又有小非農。都係嗰句，有無衰退好重要，衰退+減息=跌，無衰退+減息=升，尤其係呢幾年好多國際資金炒美股，減息令美元弱就令外國投資者匯水都蝕埋。所以除非個市有得繼續升，咁蝕啲匯水都無所謂啦。
Btw，尋日賀錦麗就提出個稅改，資本增值稅無之前咁恐怖，係28%唧，唔夠4成嘅。但問題係依家本身都係20%，咪又係加稅。Anyway，VIX 都仲係高過20，似係波動到非農。
港股就仲未有咩好事發生。跌浪大成交位頂住，高位VWAP壓落黎升唔穿，升得穿都企唔穩。仲有8月5號升上黎嘅升浪嘅上升軌都需求不足，跌穿埋。而相信有庄家大戶嘅，望下啲牛證都驚。綜合黎講，成個市嘅氣氛都唔係好得。唯一可能係食住減息啲新聞會對地產股同收租股好啲。即係咁講，未必有太大嘅幫助，都叫做有幫助，對比減息同唔減息呢兩樣，你要邊樣？好過無咁囉～
Hengor's BLOG 