大市短評20240823
如果單睇LQD/GOVT幅圖，都仲吊喺高位，但的確好似有少少唔夠力。但呢個應該係正常嘅，因為個個都等緊鮑威爾喺JACKSON HOLE全球央行年會講咩。不過又咁講，睇聯儲局其他官員出黎講嘅野，息應該會減，但係唔係一減減半厘咁多呢，睇黎無咁開心嘅，但即管等埋鮑威爾先算。所以喺呢種情況，個市有啲獲利回吐都唔奇，大鯨魚就點都唔會因為少少波動而郁，轉身快嗰啲又唔介意等鮑威爾講完野先再入返場。暫時睇圖，標普比較多成交嘅價位就大約5540，目前還好。
反而我之前已話，都係怕年尾至出年真係有經濟衰退，依家睇製造業PMI似乎又係講緊呢個故事，非農職位下修都係呢個故事黎。所以關心住先，市場就係扮傻遊戲，扮到扮唔到落去。
至於港股，尋日估佢唔到會夾，變左8月20號17511原來係吸貨。咁今日就好重要，最好唔好跌穿17391收市，因為咁樣就代表8月21號係派貨。20號高咁多吸貨，而21號如果低咁多派貨，經驗上咁係好差嘅走勢。所以跌還跌，唔好跌穿17391，唔好跌得太離譜，如果唔係就好肉酸。不過好多人都覺得港股都肉酸左好耐架喇。anyway，如果唔係錢太多，我覺得臨收市先做決定好啲。
Hengor's BLOG 