大市短評20240822
尋日黎講，我諗最大新聞係美國過去一年非農新增職位向下修正81.8萬。原先市場有預測係下修100萬，依家個數都差唔多。由於勞工部提供嘅數字係調查返黎，所以同實際數字一定有啲分別；同埋勞工部派問卷畀啲家庭同公司，有時唔係咁準時回答，咁就令到嗰堆公司同嗰堆家庭嘅數字同調查數字有誤差，而呢個誤差會喺公布嘅時候再放大。點解？勞工部問卷涵蓋嘅公司大約40%，算係涵蓋得幾廣泛，但係本身收返嘅數據本身都有誤差，而呢個誤差再要按比例乘返大。
啱啱講呢啲統計學上嘅野有咩意義呢？就係一直存在一個講法，美國聯儲局會唔會根據緊一啲唔準嘅數據去做決策呢？唔止上一段講修正數據嘅問題，近年越黎越多非法移民，呢啲工作數據可能唔係咁易反映到。咁就慘喇，原來聯儲局都好似啲小清新傻＿咁？咁可能令佢地太早行動或者太遲行動。呢個可能解釋到點解聯儲局主席鮑威爾佢地有時出黎講野都好似講到要憑感覺去做決定咁，佢地班委員都質疑緊點解勞工部條數同其他數據（例如佢地自己做嘅調查、ADP)。
正所謂呢啲野唔係我地諗得掂，不如跟大魚去游水好過喇，所以要繼續update返risk on/off指標。目前keep住綠燈，如果keep到綠或者灰都OK，見紅就比較大機會轉淡。
如果直接睇LQD/GOVT嘅圖，就係上面咁，又唔可以話好淡，有貨仍然可以持有。
返黎港股講兩句。CAP圖嗰陣又係圍住17472上上落落，都係扮下升穿咁解。所以大家睇T-2去攞位都重要，T-2收市係17511，對返落期指大約當17531，20點高水，然後開張put，咁就有得食。尋日做直播我點解話今日都係偏淡啲，就係估17511係派嘅。結果外圍造好，小米業績好，咁就高開一下；但17511係淡，都要跌返落去。我估到收市都係偏淡，但係大家記得自己都要判斷下，準備好止蝕，如果唔係夾返上去夾死左，唔好找我晦氣，因為我都係估，唔係建議呀。
btw 我無講21，22號係吸係派，所以無講到過夜嘅睇法，望周知。
Hengor's BLOG 